Friday, 2 December 2011

Tum Ajeeb larki ho..

Tum Ajeeb larki ho..

Aansuo'n ko peeti ho..
Zehar zindagi k sun..
Sath lay k jeeti ho...
chandni k halay ko...
Subah k ujaalay ko...
Roshni k badal main..
Jhilmilatay Aanchal main..
Bandh k yoonRakhti ho...

Tum Ajeeb Larki Ho...

Chhup K Aahein bharti ho.
Roshni Say darti ho..
Apnay saray sapno ko...
Youn Chhupa k rakhti ho..
Jaisay saaray khwabo'n per..
Ishq k Azaabo'n per..
Bus tumhara hi haq hai..
Aisay baatein karti ho...

Tum Ajeeb Larki Ho...

Khwab bunti rehti ho...
Khwab k jharoko'n say...
Mujh ko takti rehti ho...
Un-Ginat sawalo'n say...
Un-kahay jawaabo'n say..
Bus ulajhti rehti ho...
Khwab dekhti bhi ho...
Tootnay say bhi darti ho...

Tum Ajeeb Larki Ho...

Tum wafa ki baato'n per..
Muskurati rehti ho..
Gehri Gehri Aankho say...
Door-Bee'n Nigaho'n say...
Sub ko dekha karti ho...
Aur sab say chhup k phir..
Aansuo'n ko peeti ho..

JANAY = KAISAY = JEETI = HO...!
TUM = AJEEB = LARKI = HO...!

0 comments:

Post a Comment

Online jobs

Related Posts Plugin for WordPress, Blogger...

Find us on Facebook

Total Pageviews

Our worldwide fans

Free counters!

Online Working - Jobs

Popular Posts