Bahaar Rut Main Ujaar Rastay

Bahaar Rut main ujaar rastay,

Takka karo gay to Ro paro gay

Kisi say milnay ko jab bhi MOHSIN

Saja karo gay to Ro paro gay

Tumharay wadon nay yaar mujh ko

Tabah kiya hai kuch is tarah say

Kay zindagi main jo kabhi kisi say

Dagha karo gay to Ro paro gay.

Main jaanta hoon meri Mohabbat

Ujaar day gi tumhein bhi Aisay

K Chaand raaton main jab kisi say

Mila karo gay to Ro paro gay.

Barasti barish main yaad rakhna

Tumhein sataein gi meri Aankhein

Kisi wali k mazaar per tum

Dua karo gay to Ro paro gay.

Posted in: Mohsin Naqvi, Tanhai, yaad Poetry