Khuda say Husn nay ek roz yeh sawal kiya
Jahan main kiyon na mujhay tu nay lazawal kiya
Mila jawab k tasveer khana hai duniya
Sab-e-daraz-e-adm ka fasana hai duniya
Hui hai rang-e-taghiyur sai jab namod iss ki
Wohi haseen hai haqeeqat hai zawal jis ki
Kahi qareeb tha yeh guftago qamar nay sun li
Falak pai aam hui akhter saher nay sun li
Saher nay taray say sun ker sunnai shabnam ko
Falak ki baat batadi zameen k mahram ko
Bhar aye phool k ansu payam-e-shabnam say
Kali ka nan'nah sa dil khoon ho gaya ghum say
Chaman say rota hua mausam-e-bahar gaya
Shabab sair ko aya tha sogawar gaya
0 comments:
Post a Comment